විපරම -

කාලයේ අවශ්‍යතාවය සපුරාලමින් ශ්‍රි ලංකා ගුවන්විදුලි සංස්ථාවේ වත්මන් සභාපති සුනිල් සරත් පෙරේරා මහතාගේ සංකල්පයකට අනුව ශ්‍රි ලංකා ගුවන්විදුලි සංස්ථාවේ කොත්මලේ ප්‍රජාගුවන් විදුලි සේවය අනිකුත් ප්‍රජා සහ ප්‍රාදේශිය සේවාවන්ගේ දායකත්වය ඇතිව සිංහල භාෂාවේ විවිධත්වය පිළිබදව ගවේෂණාත්මකව අධ්‍යනය කිරිමේ අරමුනින් භාෂා විද්‍යාගාරයක් කොත්මලේ ගුවන් විදුලි බහුවිධ මාධ්‍ය ඒකකයේදී ආරම්භ කිරිමට අදහස්කරන ලදි. සිංහල භාෂාවේ විවිධත්වය පමණක් නොව ශ්‍රී ලංකාව තුළ ජීවත්වන විවිධ ජන වර්ග මූලික කරගෙන ඔවුනගේ භාෂාවේ විවිධත්වය පිළිබදව අධ්‍යනය කර සංරක්ෂනය කිරිමටද ඉදිරියේදි බලාපොරොත්තු වේ.අන්තර්ජාලය ඔස්සේ භාෂාවේ විවිධත්වය පිළිබද කෙටි වැඩසටහන් ශ්‍රවණය කිරිමට ඉඩ ප්‍රස්තා සැලසෙන අතර ඒ පිළිබඳව වැඩි උනන්දුවක් දක්වන කෙනෙකුට කොත්මලේ ගුවන් විදුලියේ ස්ථාපිත කර තිබෙන භාෂා විද්‍යාගාරයට පැමිණ ඒ පිළිබඳව පුළුල්ව අධ්‍යනය කිරිමට පහසුකම් සලසා ඇත. භාෂාවේ විවිධත්වය සොයා එම තොරතුරු සංරක්ෂණය කරමින් අප යන ගමනේදි "ජනප්‍රවාද, ජනශ්‍රැති, ජන කවි, ජන ගී, ජනකතා "ආශ්‍රයෙන් යම් කිසි තොරතුරක් ඔබ සතුව ඇත්නම් එම තොරතුරු අප වෙත පරිත්‍යාග කිරිම සඳහාද ඉඩ ප්‍රස්ථා ඇති බව සතුටින් දන්වමු.